連人網狗都衝入去做勇士掉9班人渣,

早就講過,區選過後唔妥碌能0既人只會越來越多, 連人網狗都衝入去做勇士掉9班人渣, 但更唔知刪左幾多post

黃癲狗、蕭若完，你地呢啲咪叫不得人心囉！ :P
喺人網浸淫有功嘅人都知道，好似「真理愈辯愈明」呢類陳腔濫調嘅癈話，喺呢度根本就不攻自破。喺呢度係冇客觀事實，有嘅，只係盲目嘅信仰！

所以，我地喺區選結果未公佈之前已經知道，人力，係無論投票率幾高幾低、得票率幾多幾少、議席幾個，等等等等，呢啲都係無關痛癢；人力，係無論如何，都。一。定。大獲全勝嘅

所以你見到，上次五公，投票率 20% 唔夠，你地冇輸，有五十萬市民認同你地！今次，你地派出六十一人參選，得一人獲選，你地已經達到運動預期嘅目標，吹你地唔漲！

更加有啲呢度嘅癈柴，話今次人力唔係輸，係未。大。成。功。啫！ 笑爆嘴！！

馬仔重好嘢呀，得嗰四百幾票，全區包艇，佢成口沙、好自豪咁宣稱，佢。雖。敗。猶。榮。！！！

大舊重『榮』，佢口中因為五公、政改出賣選民，一定會遭到選民懲罰嘅民主黨主席何俊仁，人地千八票。勝。出。，佢三百幾票包艇，佢話已經達標！

你達乜鬼嘢標啫，你話追擊人要人地輸丫嘛，宜家人地贏鬼咗你重話追擊目標已經達成，你地人力所有人係咪都思覺失調架？？？

大舊話，今次係新民運動，所以。不。論。結。果。、不。論。議。席。，佢地都已經達標了；今次雖然市民唔認同，但。長。遠。來講，一定會成功。

大家知唔知大舊同馬仔兩個 losers 口中的「不論結果、不論議席」同「長遠」係乜嘢意思啊？佢地即係話客觀可見嘅事實，已經不能夠去判定你所得到嘅結果，只有長遠可以判定。一般人喺幾時會聽到有人話客觀可見嘅事實係無法判定你所得到嘅結果架呢？ 就係當你係靚女，你要轉運，有個神棍就同你講你要同佢性交去幫你轉運；但上咗床，你個運轉唔到，重衰多幾錢重，呢個時候，個神棍就會同你講:「客觀可見嘅事實係唔可以用來判定性交轉運嘅成效！你要繼續同我性交，長遠來講就一定可以幫妳轉到運！」

即係話大舊同馬仔都當你係無知婦孺，想氹你上床，重要你相信上床冇效，係時間嘅問題！

各位知唔知。長。遠。來。講。一定成功又係乜鬼嘢意思？長遠來講一定成功，同「長遠來講股價必然反影股值」、「長遠來講印銀紙必然可以解決經濟衰退」、「長遠來講你必然會死」一樣，都係癈話！要不你無法否証它，要不到你能夠否証它的時候，一切都已經太遲！！

你地唔係話民主黨今次一定仆街架咩？宜家橫睇直睇都似係你地分裂泛民，。成。全。建制派多啲囉。

老蕭之前認屎認屁，話今次區選唯一有 noise、有傳媒聚焦點的，就係追擊民主黨，又話一早同阿陶咁講架啦，佢又唔信云云。宜家你地咁有 noise，又唔見你地大敗民主黨？你地講到民主黨咁失民心，佢地又唔全面 PK？

毓民呢啲咪醒囉，一早知道自己不得人心，所以雖然平時聲大夾惡，今次一於龜縮，自己唔參選 梗係啦，你當佢傻架，佢知道今次落場一旦輸咗，會提早畀人叫佢收皮；佢今次唔落場，起碼從現在到下屆立法會選舉前呢段日子，佢重有得也文也武丫嘛。

嗱，你咪畀我批中丫，我預先同你班信徒講定，我睇死你隻癲狗明知下屆立選無運行，實在下屆選前慢慢鋪路，話要培育新人，借啲意唔選，費時攞架來丟。又或者就算參選，都用名單上第二名去參選，咁輸咗咪有得賴囉 :P 呢條政棍嘅花招，我地啲局外人根本就一清二楚架啦，係你地班 losers、信徒先至會信佢，信到至死不渝架咋！ 哇哈哈...........


事實証明，人網嘅點擊量，有超過一半係由反人網嘅人貢獻嘅；我地就係鍾意 Mon 住你地班 losers，一有機會就恥笑你地！ :D :D :D 所有廣告商要留意了！！！