黃毓民DNA：互鬥

壹周刊 : 選舉乜都得 馬草泥投靠白姐姐
上月中，毓民舊愛任亮憲（馬草泥）退出人民力量，消失咗成個月，忽然掉轉槍頭，幫人力喺九東嘅對家、 隱形建制派謝偉俊嘅女友白韻琹白姐姐助選超級區議會議席。馬草泥大讚白姐姐係堅實民主派，真正獨立嘅人、敢言、又有知名度同親和力，鬧爆師傅黃毓民同佢嘅 愛將黃洋達，為咗選舉乜都肯制，真係笑大人個口咁話。

 成個政壇都知，白姐姐同黃毓民係死敵，五區公投嗰陣，白姐姐直頭參選狙擊毓民，當日馬草泥陪伴師傅對抗外敵，今時今日掉轉槍頭，唔通真係敵人嘅敵人就係朋 友？馬草泥就強化佢同白姐姐嘅關係，又話人力都無人參選超級區議會，咁唔算打對台。之前毓民和馬草泥同社民連搞得好僵，退黨兼同主席陶君行反目，不過家下 馬草泥就認為，毓民係唔應該咁對阿陶嘅，尤其係為咗捧黃洋達而封殺泛民人士，係唔啱嘅。橫掂同開白姐姐行埋，唔知馬草泥會唔會召集埋阿陶，嚟一個復仇者聯 盟呢？

 雖然毓民而家全副心機放晒喺皇上身上，當馬草泥無到，不過佢重申，同毓民依然係朋友，係無以前咁熟。至於皇上之前走去坐監，馬草泥就覺得如果佢認為自己無錯，就應該好似長毛咁上訴同司法覆核，坐完監就行出嚟話選立法會，呢啲行為先至係笑死人！不過唔知佢講人定講自己呢？