明報 – 2011年10月25日星期二上午5:50
【明報專訊】人民力量陳偉業（大嚿）喺區選狙擊民主黨主席何俊仁，頓時令屯門樂翠區嘅選情變得緊張。大嚿、仁哥同該區獨立候選人沈錦添，噚日率先應邀出席加拿大神召會嘉智中學舉辦嘅選舉論壇「大鬥法」，不過觀眾係一班冇投票權嘅學生。
何俊仁曬廿幾年政績
喺該區做咗十幾年區議員嘅仁哥，發言時係咁打「政績牌」，話廿幾年前已紮根屯門，仲提起佢喺1995年屯門公路嘅塌石事件點樣協助街坊改搭渡輪返工、喺屯門色魔事件點樣力促公屋增設看更同大閘。
衝住仁哥而來嘅大嚿就不斷重提舊年嘅政改，話民主黨係「假藥黨」、偽民主派；又爭取學生支持，聲言去網吧冇問題，更自爆細個不時睇三級片，結果贏得唔少學生掌聲，但啲掌聲係支持佢狙擊民主黨定係支持佢「叛逆」，Emily就唔知喇。
被傳有建制背景嘅沈錦添就話，雖然佢曾經喺民建聯張學明辦事處幫過手，亦有建制派幫佢站台，但強調自己係百分百獨立候選人。沈退休前係警察，其後亦喺嘉智中學做過訓導工作，難怪佢出場時學生都鴉雀無聲，唔知學生係咪仲有啲怕佢？
TM: 果然係淫民力量, 真係無改錯名!屯門色魔就有大鳩份
沒有留言:
張貼留言